Olwyn fawr: I'r sawl sy'n hoffi eu Manchego, caws aeddfed yw hwn gyda blas dwfn sy'n parhau'n hir ar y dafod. Gwnaed hi gyda llefrith defaid amrwd a cheuled oen traddodiadol, yna bu'n aeddfedu'n naturiol mewn olwynion chwech-cilogram am bedwar i naw mis. Disgrifwyd yr Olwyn Fawr gan gwsmeriaid fel “blas cymhleth a hir-aros o fêl, cnau cyll a dolydd yn yr haf.” Enillydd Gwobr Arian yn Artisan Cheese Awards 2016 a British Cheese Awards 2016. Caws newydd gorau Sioe Frenhinol Cymru 2016.

Caws Calan: Cefnder iau y Caws Chwarel, gyda blas cryf uniongyrchol. Gwnaed nhw gyda llaeth defaid amrwd a cheuled oen traddodiadol, ond mae'r aeddfedu'n digwydd dros dau fis mewn cosynnau 600 gram. Dewiswyd fel cynnyrch swyddogol i'r band Calan.

Caws Chwaral: Caws llaeth dafad wedi ei seilio ar ddull Caerffili wedi ei aeddfedu'n araf. Gwnaed yr olwynion pump- i chwech-cilogram efo llefrith defaid amrwd a cheuled oen traddodiadol, yna fe'i aeddfedwyd nhw yn naturiol am rhwng dau a phum mis. Mae'r Caws Chwaral yn boblogaidd ymysg rhai sy'n ffafrio blas mwy traddodiadol 'Cymreig' ar eu caws. Gwobr Olivia Mills ar gyfer Rhagoriaeth, 2018

Brefu bach: Caws lactig bychan, mewn arddull tebyg i Chaource. Mae gwead hufennog i hon, bron fel menyn, a blâs lemon a madarch i gael. Caniateir i'r ceulion ddatblygu'n raddol bach, gyda'r mymryn lleiaf o geuled llysieuol gyda thrwyth ysgallen ynddi. Maent yn aeddfedu yn naturiol dros gyfnod o dri i saith wythnos, gyda phob caws unigol yn pwyso 120 gram. Enillydd Gwobr Aur a Phencampwr Caws Newydd yn British Cheese Awards 2016. Enillydd Gwobr Aur yn Artisan Cheese Awards 2019. Enillydd Gwobr Olivia Mills ar gyfer Rhagoriaeth, 2019.